Ndërlidhjet

Meksikë: Patricia është zbutur, por ende mbetet e rrezikshme


Pamje satelitore e uraganit Patricia në Paqësor

Pamje satelitore e uraganit Patricia në Paqësor

Uragani Patricia sot ka vazhduar të zbutet, disa orë pasi e ka goditur pjesën perëndimore të Meksikës, me ç’rast ka pasur erëra shkatërruese dhe të reshura të mëdha, por duket se janë evituar dëmet e rënda.

Ky uragan e goditi dheun mbrëmë vonë, ishte radhitur në kategorinë e pestë, që është më e larta.

Por, tash ky uragan ka rënë në kategorinë 2, si stuhi tropikale.

Shërbimi kombëtar i motit i Shteteve të Bashkuara ka tërhequr vërejtjen se Patricia mbetet “uragan i fuqishëm”, përkundër uljes së kategorisë.

Presidenti i Meksikës, Enrique Pena Nieto, ka kërkuar që njerëzit “të mbeten në strehime” duke i siguruar ata se “forcat e sigurisë do të patrullojnë për mbrojtjen e shtëpive të tyre”.

Qendra kombëtare për uragane e Shteteve të Bashkuara tha se Patricia e kishte goditur bregdetin, që është rrallë i banuar me njerëz, me erëra prej 265 kilometrash në orë.

Kjo ishte stuhia më e fuqishme e regjistruar ndonjëherë në kontinentin e Amerikës.

XS
SM
MD
LG