Presidentja e Republikës së Kosovës Atifete Jahjaga, ka pritur në takim lamtumirës Ambasadorin e Republikës së Austrisë në Kosovë, Johann Brieger.
Presidentja Jahjaga ka falënderuar ambasadorin Brieger për angazhimin e tij “në promovimin dhe thellimin e marrëdhënieve ndërshtetërore midis dy vendeve”, thuhet në komunikatën e zyrës së presidentes.
Ambasadori i Austrisë në Kosovë, Johann Brieger, ka shprehur “mirënjohjen për institucionet e Kosovës dhe qytetarët e saj për ndërtimin e urave të fuqishme të bashkëpunimit dhe të miqësisë".