Ndërlidhjet

logo-print

Greqi: Dhjetëra migrantë kanë humbur jetën në det


Migrantët nga Siria duke lundruar nga Turqia nëpërpjekje për të arritur në Greqi

Migrantët nga Siria duke lundruar nga Turqia nëpërpjekje për të arritur në Greqi

Së paku 22 migrantë, përfshirë 13 fëmijë, janë mbytur gjatë natës në det afër ishujve grekë, Kalymnos dhe Rhodes, derisa përpiqeshin të arrijnë në Evropë, ndërsa 144 vetë janë shpëtuar, kanë thënë autoritetet detare greke.

Afër ujdhesës Kalymnos, sot në mëngjes janë gjetur 19 trupa të pajetë, përfshirë ata të 6 femrave dhe 10 fëmijëve.

Dëshmitarët kanë thënë se afro 150 vetë ishin përpjekur të arrijnë në brigjet e ujdhesës Kalymnos me anije nga Turqia.

Gjatë këtij muaji, 68 vetë janë mbytur në përpjekje për të arritur në Greqi nga Turqia, ka llogaritur agjencia AFP në bazë të statistikave të publikuara nga autoritetet detare të Greqisë.

XS
SM
MD
LG