Ministri i Punëve të Brendshme i Kosovës, Skënder Hyseni, ka thënë se beson se Kosova do të pranohet në Interpol.
“Profesionalizmi i Policisë së Kosovës dhe gatishmëria e saj për të qenë partner i barabartë dhe i besueshëm në luftimin e krimit, janë garanci e së ardhmës së Kosovës në Organizatën Ndërkombëtare të Policisë Kriminale, si anëtare e plotë dhe e barbabartë”, ka thënë Hyseni përmes një postimi në Facebook.
Ai ka shtuar se aplikacioni i Kosovës po trajtohet dhe se beson se do të kulmojë me pranim të plotë.
“Pranimi në këtë organizatë është i një rëndësie te madhe për vetë Kosovën, për Interpolin, si dhe për rajonin”, ka thënë Hyseni.
