Incizimi i zërit në kabinën e pilotëve të aeroplanit rus të udhëtarëve, që u rrëzua në Gadishullin Sinai të Egjiptit, para një jave, e ka regjsitruar një zhurmë në sekondat e fundit të incizimit, tha sot shefi i Komitetit të hetimeve të Egjiptit, Ayman al-Muqaddam.
Por, zoti Muqaddam tha se ekspertët ende po mbledhin informacione dhe se është shumë herët të shpallen konkluzionet e punës së tyre.
Sipas tij, hetuesit po i shqyrtojnë të gjithë skenarët e mundshëm, raporton agjencia Reuters nga Kajroja.
Shërbimet e inteligjencës perëndimore kanë sugjeruar se tragjedia, në të cilën janë vrarë të 224 udhëtarët, shumica prej tyre shtetas të Rusisë, ishte shkaktuar nga bomba, që ka eksploduar brenda aeroplanit.