Ndërlidhjet

Sulmet në Paris: Disa të arrestuar në Bruksel


Ilustrim

Ilustrim

Ministri belg i Drejtësisë, Koen Geens, ka thënë se është bërë “një numër arrestimesh” në Bruksel, të cilat lidhen me sulmet në Paris.

Televizioni belg ka raportuar se pesë njerëz janë arrestuar në lagjen Molenbeek.

Policia franceze ka thënë se është në kërkim të një makine të zezë, tipi Seat, me targa të huaja, e cila mund të jetë përdorur në sulme.

Mediat kanë raportuar se njëri nga sulmuesit në sallën e koncerteve Bataclan ka qenë shtetas francez, me histori të përfshirjes në Islamin radikal.

Një tjetër besohet se ka qenë shtetas sirian, pasi një pasaportë e Sirisë është gjetur pranë trupit të një sulmuesi vetëvrasës, që ka hedhur veten në erë pranë stadiumit Stade de France, në veri të Parisit.

Mbajtësi i pasaportës ka qenë i lindur në vitin 1990.

Një ministër grek ka thënë se pasaporta i ka takuar një refugjati sirian, i cili ka kaluar përmes ishullit Leros.

Një pasaportë egjiptiane është gjetur po ashtu pranë trupit të një tjetër sulmuesi vetëvrasës.

Gazeta Le Parisien ka cituar një spektator në stadium të ketë thënë se një nga sulmuesit pranë, ka qenë grua.

Nga sulmet e së premtes mbrëma në Paris kanë humbur jetën 127 persona.

XS
SM
MD
LG