Sekretari i përgjithshëm i Kombeve të Bashkuara, Ban Ki-moon, do të vizitojë këtë javë Korenë e Veriut.
Agjencia jugkoreane e lajmeve Yonhap ka thënë se një zyrtar i lartë i OKB-së ka konfirmuar lajmin.
Sipas burimit të njëjtë, Ban do të takojë liderin verikorean, Kim Jong-un, gjatë vizitës.
Nëse udhëtimi realizohet vërtet, Ban do të bëhet kreu i parë i OKB-së që viziton Korenë e Veriut që nga Boutros Boutros-Ghali më 1993.
Koreja e Veriut përballet me sanksione të ashpra të OKB-së, Bashkimit Evropian dhe Shteteve të Bashkuara për shkak të provave të saj bërthamore.
