Udhëhehqësit botërorë kanë treguar vendosmërinë e tyre për të luftuar grupin militant të Shtetit Islamik, pas sulmeve terroriste në Paris, të cilat kanë vrarë së paku 132 persona.
Liderët e G20-ës, grupit të vendeve më të industrializuara, pritet të lëshojnë sot një deklaratë të përbashkët për luftën kundër terrorizmit.
Sot është dita e dytë dhe e fundit e samitit të G20-ës, që ka zhvilluar punimet në jug të Turqisë.
Presidenti turk,Recep Tayyip Erdogan, ka thënë se do të ketë një “mesazh të fuqishëm” për luftën kundër terrorizmit, i cili do të dalë nga takimi.