Ndërlidhjet

Kina thotë se ka vrarë 28 "terroristë”


Foto ilustruese.

Foto ilustruese.

Mediat shtetërore kineze kanë raportuar se policia ka vrarë 28 të dyshuar si "terroristë", gjatë një aksioni në një minierë qymyri në rajonin Xinjiang, ku po ashtu u vranë së paku pesë policë.

Rajoni është i banuar nga komuniteti ujgur, kryesisht myslimanë të etnisë turke.

Portali i qeverisë Xinjiang, ka raportuar se të dyshuarit u vranë gjatë një kërkimi që zgjati 56 ditë, pas sulmit të parë të kryer më 18 shtator, ku ishin vrarë 11 civilë dhe pesë policë, duke i therur me thikë.

"Pas 56 ditëve të luftimeve të vazhdueshme, Xinjiang shkatërroi një bandë të dhunshme terroriste direkt nën komandën e një grupi ekstremist të huaj", ka njoftuar qeveria.

"Përveç një personi, i cili është dorëzuar, 28 persona të tjerë janë vrarë.”

Një gazetë lokale ka thënë se dy persona, që kishin emra ujgurë, ishin udhëheqësit e një grupi të huaj, të cilët besohet si ishin organizatorët e këtij sulmi.

Tensionet ndërmjet ujgurëve myslimanë dhe kinezëve han që jetojnë në Xinjiang, shpeshherë kanë eskaluar në të dhunshme, duke lënë me qindra persona të vrarë.

XS
SM
MD
LG