Në Egjipt sot po mbahet rundi i dytë i zgjedhjeve parlamentare, të parat prej përmbysjes së presidentit islamik, Muhammad Morsi, nga ushtria në vitin 2013.
Mediat lokale kanë raportuar se afro 3 mijë kandidatë, në mesin e tyre 169 femra, garojnë për 288 vende.
Në rundin e parë, i mbajtur në muajin tetor, është shënuar dalje e ulët e votuesve.
Kandidatët e mbështetur nga presidenti, Abdel-Fattah el-Sissi, ka arritur përparësi të mëdha në rundin e parë.
Rezultatet zyrtare të rundit të dytë dhe të balotazhit priten të shpallen në fillim të dhjetorit.