Një grup monitorues thotë se një helikopter ushtarak rus ka bërë një ulje të detyruar në territorin e kontrolluar nga qeveria, në veri të Sirisë, pasi u godit nga forcat kryengritëse.
Observatori Sirian për të Drejtat e Njeriut, me seli në Britani, ka thënë se kryengritësit, kanë goditur helikopterin me një raketë antitank.
Helikopteri u ul në provincën Latakia dhe ekuipazhi i tij arriti të shpëtojë.
Kryengritësit kanë hedhur në erë më vonë helikopterin me një tjetër raketë.
Shtetet e Bashkuara dhe vende të tjera kanë furnizuar disa grupe të opozitës në Siri me raketa antitank.