Ushtria e Turqisë e ka publikuar audion e asaj që thotë se është tërheqje e qartë e vërejtjes për aeroplanin luftarak rus, para se ai të qëllohej afër kufirit të Sirisë.
Zëri në audio incizim mund të dëgjohet duke thënë në gjuhën angleze: “ndryshoni drejtimin e juaj për në jug menjëherë”. Ky mesazh përsëritet disa herë.
Piloti që ka mbijetuar nga rrëzimi i aeroplanit rus, që është qëlluar nga Turqia në kufirin Turqi – Siri, ka thënë se nuk e ka dëgjuar marrjen e alarmit.
Turqia ka insistuar se i ka dhënë 10 vërejtje aeroplanit pesë minuta para se ai është qëlluar dhe rrëzuar pardje.
Por, piloti rus, Konstantin Murakhtin, 24 vjeçar, të cilin pas katapultimit e kanë shpëtuar forcat speciale ruse, thotë se “nuk ka pasur tërheqje të vërejtjes, as nëpërmjet radio lidhjes e as në mënyrë vizuele”.
Kolegu i tij, piloti tjetër në kabinën e aeroplanit luftarak rus, Su-24, është vrarë nga të shtënat derisa ishte katapultuar nga aeroplani që ishte përfshirë nga flaka.
Ky incident ka shkaktuar rritje të tensioneve ndërmjet Turqisë dhe Rusisë.
