Ndërlidhjet

Britani: Albumi “25” i këngëtares Adele – më i shituri


Këngëtarja Adele me Çmimet Grammy të fituara në shkurt të vitit 2012 në Los Anxhelos
Këngëtarja Adele me Çmimet Grammy të fituara në shkurt të vitit 2012 në Los Anxhelos

Albumi më i ri i këngëtares britanike Adele, ka arritur të shitet në numër rekord gjatë javës së parë në Britani, pasi janë shitur 800,307 kopje, ka njoftuar sot Kompania Zyrtare e Diagrameve.

Kështu, albumi i këngëtares Adele ia ka kaluar rekordit të Oasisit, nga viti 1997, kur ishin shitur 696 mijë kopje.

Albumi “25” është edhe më së shumti i shkarkuar , ka thënë kompania, raporton Reuters nga Londra.

“Statistikat për këtë album janë të pabesueshme, nga fakti i thjeshtë se asnjë album kurrë nuk është shitur në më tepër se 800 mijë kopje, për ta fituar numrin 1 në histori të muzikës britanike”, tha shefi ekzekutiv, Martin Talbot.

Adele, që po ashtu, e ka thyer rekordin për shitjen e albumit për një javë në Shtetet e Bashkuara, për vetëm katër ditë, dje ka shpallur se do ta filloj turneun 15 javësh në Britani, Irlandë dhe në Evropën kontinetale, në muajin shkurt, që do të ishte turneu i saj i parë në katër vitet e fundit.

XS
SM
MD
LG