Ndërlidhjet

logo-print

Biden: SHBA-të kurrë nuk do ta njohin aneksimin e Krimesë


Joe Biden duke folur sot në Parlamentin e Ukrainës

Joe Biden duke folur sot në Parlamentin e Ukrainës

Zëvendëspresidenti amerikan, Joe Biden, u ka thënë anëtarëve të Parlamentit të Ukrainës se “Rusia po e okupon territorin sovran ukrainas” në Krime dhe e ka shkelur të drejtën ndërkombëtare duke e aneksuar ilegalisht këtë gadishull në Ukrainë.

Mëtutje, në fjalimin e sotëm në Parlamentin e Ukrainës, zoti Biden tha se “bota po e shikon” Ukrainën dhe “luftën e saj kundër agresionit të ashpër të Kremlinit”.

Sipas tij, Shtetet e Bashkuara kurrë nuk do ta njohin” ankesimin e Krimesë nga Rusia dhe do të vazhdojnë ta mbështesin Ukrainën kundër agresionit rus.

Zyrtari i lartë amerikan u tha ligjvënësve të Ukrainës se ata e kanë “një obligim ndaj atdheut të tyre për tu përgjigjur ndaj thirrjes së historisë” për ndërtimin e shtetit unik dhe të bashkuar demokratik që “qëndron gjatë kohës”.

Kjo është vizita e katërt e zotit Biden në Kiev, prej se Moska e ka aneksuar Krimenë e Ukrainës, në mars të vitit 2014, dhe prej se Rusia i ka mbështetur separatistët në pjesën lindore të Ukrainës.

XS
SM
MD
LG