Rock-grupi amerikan, Eagles of Death Metal, ka bërë një kthim emocional në sallën e koncerteve Bataclan në Paris.
Kjo sallë ka qenë cak i sulmeve terroriste më 13 nëntor, derisa bendi ka qenë duke performuar.
Pjesëtarët e Eagles of Death Metal kanë vënë lule përpara sallës së koncerteve, në kujtim të 90 njerëzve të vrarë.
Bendi ka bërë një paraqitje të papritur në skenën e një koncerti të hënën në Paris, kur është ftuar për të performuar nga rock-grupi tjetër U2.
Ata kanë kënduar himnin e Patti Smith “Njerëzit kanë fuqinë” në koncertin në Arenën AccorHotels.
Një total prej 130 njerëzish janë vrarë kur persona të armatosur kanë sulmuar bare, restorante, sallën e koncerteve dhe një stadium futbolli, muajin e kaluar.
Përgjegjësinë për këto sulme e kanë marrë militantët e Shtetit Islamik.