Ndërlidhjet

logo-print

Rusi: Janë vrarë tre persona të armatosur në Dagestan


Pamje nga një operacion të sigurisë në Dagestan

Pamje nga një operacion të sigurisë në Dagestan

Policia në rajonin Dagestan në Kaukazin Verior të Rusisë sot i ka vrarë tre persona të armatosur gjatë të shtënave.

Policia tha se personat e armatosur ishin vrarë, pasi kishin hapur zjarr kundër oficerëve të policisë në qytetin Kizilyurt.

Nuk është raportuar për viktima në mesin e policëve.

Sot, po ashtu, persona të armatosur e të panjohur e kanë sulmuar një ekip të zjarrfikësve në Derbent të Dagestanit, duke i plagosur tre pjesëtarë të njësive të zjarrfikjes.

Zyrtarët lokalë thanë se dy prej tyre janë plagosur seriozisht.

Dagestani është i përfshirë nga dhuna vdekjeprurëse, e ndërlidhur me kryengritjen islamike, që origjinën e ka në dy luftëra separatiste në Çeçeni, pas shkatërrimit të Bashkimit Sovjetik.

Krimi i organizuar, luftërat biznesore në terren, mospajtimet politike dhe rivalitetet klanore, po ashtu, i kontribuojnë gjakderdhjes.

Caqe pothuajse të rregullta të sulmeve janë myslimanët e moderuar, gazetarët, policët dhe zyrtarët qeveritarë.

XS
SM
MD
LG