Ndërlidhjet

logo-print

Charlie Hebdo dhuron 4 milionë euro për viktimat e janarit


Ilustrim

Ilustrim

Punonjësit e revistës satirike franceze Charlie Hebdo, kanë njoftuar sot se katër milionë euro i kanë ndarë për t’i ndihmuar në formë donacioni viktimat e sulmeve të janarit në Paris.

Më 7 janar të vitit të kaluar, për shkak të publikimit të karikaturave të Profetit Muhamed, Charlie Hebdo kishte qenë cak i sulmit nga dy ekstremistë, të cilët kanë lënë të vdekur 12 punonjës të revistës, shumica nga ta gazetarë.

Përveç kësaj reviste, sulmet në Paris në muajin janar kishin zgjatur tri ditë duke bërë që numri total i të vdekurve të arrijn në 17 persona.

Pas sulmit, revistës Charlie Hebdo i ishin dhënë donacione të ndryshme dhe shumë shpejt revista është kthyer në origjinalitetin e saj.

Sot, stafi i mbetur i revistës, ka njoftuar se 4.4 milionë dollarë do t’i dhuroj në formë të donacionit për viktimat e janarit në Poaris.

Revista ka njoftuar se në nivel qeveritar është caktuar një komision që do ta mbiqkyrë shpërndarjen e parave.

Në mesin e viktimave të janarit, sipas Charlie Hebdo, nuk janë vetëm familjet e të vdekurve por edhe personat që ishin marrë peng e të plagosurit.

Charlie Hebdo i ka falënderuar të gjithë donatorët të cilët i ka ftuar që të jenë pjesë e procesit të shpërndarjes së donacionit.

XS
SM
MD
LG