Në Tetovë është mbajtur sot një protestë, kundër ndotjes së ajrit në këtë qytet.
Protestuesit kanë kërkuar mbylljen e tërësishme të kombinatit të metalurgjisë “Jugokrom”, i cili vlerësohet të jetë ndotësi më i madh i mjedisit në Tetovë.
Kundër këtij kombinati, përfaqësues të organizatave joqeveritare kanë ngritur padi, por ajo ende nuk është proceduar nga autoritetet e drejtësisë në Tetovë.
Protestuesit mbajnë fajtor klasën politike në Tetovë, për, siç thonë, "dështimin e tyre në mbylljen e ndotësit më të madh".