Ndërlidhjet

Serbi: Gazetarët kërkuan shkarkimin e ministrit të mbrojtjes


Pamje e protestës së gazetarëve në Nish

Pamje e protestës së gazetarëve në Nish

Qindra gazetarë kanë protestuar mbrëmë në gjithë Serbinë duke kërkuar që kryeministri, Aleksandar Vuçiq, ta mbajë premtimin e tij dhe ta shkarkoi ministrin e mbrojtjes, Bratisllav Gashiq, i cili ka bërë komente seksiste për një gazetare.

Para dy javësh, Vuçiq tha se po e shkarkonte Gashiqin, por megjithatë Gashiq ka mbetur në zyrën e tij.

Ky ministër ka shkaktuar reagime të shumta, pas komentit të tij për një gazetare të Televizionit B92, e cila ishte përkulur para tij për të mos i penguar kamerat, se “i pëlqen kur gazetaret bijnë në gjunjë shumë lehtë”.

Protesta me moton “Gazetarët nuk bijnë në gjunjë” është mbajtur në disa qytete të Serbisë.

Organizuesit thonë se mbetja e Gashiqit në zyrë “tregon se si trajtohen mediat në Serbi”.

XS
SM
MD
LG