Një person është vrarë dhe një tjetër është plagosur nga një eksplodim në aeroportin e dytë më të madh në Stamboll të Turqisë.
Autoritetet po zhvillojnë hetime për të përcaktuar nëse shpërthimi i sotëm në aeroportin Sabiha Gocken, është shkaktuar nga bomba apo jo.
Policia i ka ashpërsuar masat e sigurisë në hyrje të aeroportit pas këtij incidenti, duke i kontrolluar veturat dhe duke fluturuar me helikopter mbi aeroport.
Raportohet se sulmet me bomba nga kurdët, majtistët dhe militantët islamikë, janë të zakonshme në Turqi.