Ndërlidhjet

logo-print

Luftime të ashpra në Helmand të Afganistanit


Ilustrim

Ilustrim

Raportet nga Afganistani bëjnë me dije se luftime të ashpra janë duke vazhduar në mes të forcave afgane dhe militantëve talibanë në distriktin Sangin, në provincën e Helmandit, provincë e cila është pushtruar nga militantët gjatë kësaj jave.

Ministri në detyrë i Mbrojtjes në Afganistan, gjatë një konference të mbajtur në Kabul, bëri thirrje për mbështetje ushtarake ndërkombëtare, posaçërisht mbështetje nga ajri.

Britania e ka dërguar një kontigjent të vogël të ushtarëve për t’i dalë në ndihmë ushtrisë afgane në Helmand.

Helmand është një zonë e rëndësishme e cila kufizohet me Pakistanin dhe është një bazë e rëndësishme për talibanët, ngase aty prodhohet shumica e opiumit në botë, kulturë kjo që e ndihmon financimin e tyre.

Kriza në Helmand e ka shtuar presionin mbi presidentin Ashraf Ghani.

Më 20 dhjetor, Mohammad Jan Rasoolyar, zëvendës guvernator i krahinës, e bëri një hap të pazakontë duke e paralajmëruar përmes Facebook-ut presidentin Ashraf Ghani, se provinca Helmand është në rrezik të rënies, nëse autoritetet qendrore nuk dërgojnë ndihmë.

XS
SM
MD
LG