Ndërlidhjet

logo-print

19 migrantë të mbytur midis Turqisë e Greqisë


Pranë ishullit Lesbos të Greqisë...

Pranë ishullit Lesbos të Greqisë...

Nëntëmbëdhjetë njerëz, përfshirë gjashtë fëmijë, janë mbytur në det pranë qytetit Izmir të Turqisë.

Ata kanë qenë duke udhëtuar drejt ishullit grek Lesbos, kur anija e tyre prej druri është përmbytur nga valët e mëdha në Detin Egje.

Agjencia turke e lajmeve Dogan raporton se 14 migrantë vazhdojnë të jenë të zhdukur.

Roja bregdetare turke ka thënë se ekipet e shpëtimit kanë arritur të shpëtojnë 21 veta dhe se janë në kërkim të të mbijetuarve të tjerë.

Në një tjetër incident, më 23 dhjetor, së paku 13 njerëz, në mesin e tyre shtatë fëmijë, janë mbytur po ashtu në Detin Egje, midis Turqisë dhe Greqisë.

Agjencia për Refugjatë e Kombeve të Bashkuara dhe Organizata Ndërkombëtare për Migrim kanë thënë se mbi një milion migrantë dhe refugjatë kanë arritur këtë vit në Evropë, shumica e tyre përmes detit.

Sipas burimeve të njëjta, 3,692 njerëz janë mbytur në përpjekje për të arritur Evropën.

XS
SM
MD
LG