Ministri i jashtëm i Rusisë, Sergei Lavrov, është takuar me liderin e Partisë Popullore Demokratike kurde në Turqi, Selahattin Demirtas, i cili i është bashkuar Moskës në kritikat për Ankaranë për shkak të rrëzimit të aeroplanit luftarak rus, muajin e kaluar.
Takimi i djeshëm, Lavrov – Demirtas, duket se ishte i projektuar për ta irituar Turqinë, e cila ndërmerr një goditje të përgjakshme kundër kryengritësve kurdë në fronitn e brendshëm, derisa angazhohet në luftën diplomatike kundër Rusisë, për shkak të aeroplanit të rrëzuar.
Lavrov i ka lavdëruar kurdët e Turqisë, duke i cilësuar si aleatë potencialë në luftën kundër militantëve të Shtetit Islamik, dhe i tha Demirtasit se Rusia është e gatshme të bashkëpunoj për së afërti me të.
Por, Anakaraja në këtë takim ka parë vetëm “tradhti”, raporton Reuters.
Kryeministri iTiurqisë, Ahmet Davutoglu, tha se mbështetja e liderit kurd për Moskën, lidhur me aeroplanin, për të cilin Ankaraja thotë se kishte depërtuar në hapësirën ajrore turke, paraqet “turp dhe tradhti totale”, ka raportuar agjencia Reuters.
“Duke e mbështetur Rusinë, derisa ajo vranë civilë në Siri është tradhti, jo vetëm kundër këtij vendi, por edhe kundër humanitetit”, tha Davutoglu, gjatë një takimi me liderët biznesorë në Turqi.