Policia belge ka arrestuar dy persona, të dyshuar për planifikim të sulmeve në Bruksel, në ditën e Vitit të Ri.
Bastisjet janë zhvilluar të dielën dhe të hënën në Bruksel dhe në dy provinca të tjera.
Policia ka konfiskuar veshje ushtarake dhe pajisje komjuterike, por jo armë apo eksplozivë.
Belgjika është në gatishmëri të lartë që nga sulmet e 13 nëntorit në Paris, të cilat kanë lënë të vrarë 130 veta.
Disa autorë të tyre besohet se kanë pasur bazën në Belgjikë.
Megjithatë, arrestimet e fundit nuk janë të lidhura me sulmet në Paris, kanë thënë prokurorët.
Të dyshuarit akuzohen se kanë planifikuar sulme kundër disa “caqeve simbolike” në Bruksel, ashtu si edhe kundër policisë, kanë thënë mediat belge.
Propaganda për grupin militant Shteti Islamik ka qenë në mesin e materialeve të konfiskuara.
