Një çift britanik, i shpallur fajtor për planifikimin e një sulmi terrorist në Londër, është dënuar me burgim të përjetshëm të mërkurën.
Bëhet fjalë për Mohammed Rehman, 25 vjeç, dhe gruan e tij, Sana Ahmed Khan, 24 vjeçe.
Rehamn ka qenë vetëm pak ditë larg përfundimit të krijimit të një bombe, e cila do të shkaktonte viktima në masë, kur policia e ka arrestuar atë më 28 maj, kanë bërë të ditur prokurorët.
Gruaja e Rehmanit e ka ndihmuar atë duke blerë kemikate në eBay.
Autoritetet kanë thënë se Rehman ka kërkuar nga ndjekësit në Twitter që t’i ndihmojnë të zgjedhë cakun e sulmit.
“Qendra tregtare Westfield apo metroja e Londrës?”, ka shkruar ai në Twitter, nën emrin Silent Bomber (Bombarduesi i heshtur).
Është raportuar se Rehman ka planifikuar një sulm që do të përkonte me 10-vjetorin e sulmeve të 7 korrikut, 2005, kundër sistemit të transportit në Londër.
Këto sulme janë kryer nga katër britanikë myslimanë dhe kanë vrarë 52 civilë.
