Ndërlidhjet

Gjermania e shokuar me sulmet seksuale natën e Vitit të Ri


Henriette Reker dhe Wolfgang Albers në konferencën për gazetarë në Këln lidhur me raportet për sulme seksuale ndaj femrave

Henriette Reker dhe Wolfgang Albers në konferencën për gazetarë në Këln lidhur me raportet për sulme seksuale ndaj femrave

Kancelarja gjermane, Angela Merkel, ka shprehur “tmerr” për shkak të sulmeve seksuale dhe plaçkitjeve në qytetin perëndimor, Këln, natën e Vitit të Ri.

Zyra e saj tha se kancelarja e ka thirrë sot prefekten e Këlnit, Henriette Reker, dhe i ka thënë që të bëhet çdo gjë e mundshme për dënimin e kryerësve “pa marrë parasysh origjinën dhe prejardhjen e tyre”.

Dhjetëra femra kanë raportuar se janë sulmuar seksualisht ose janë plaçkitur në natën e Vitit të Ri.

Janë bërë më se 80 paraqitje penale, përfshirë një akuzë për dhunim.

Shefi i policisë së qytetit, Wolfgang Albers, tha se meshkujt e përfshirë në sulme ishin arabë ose dukeshin se ishin nga Afrika Veriore.

Hamburg, po ashtu, janë sulmuar femrat.

Këto incidente kanë shkaktuar debat të ashpër lidhur me sjelljen e azilkërkuesve në Gjermani.

Vitin e kaluar në Gjermani është shënuar numër rekord i migrantëve.

XS
SM
MD
LG