Ndërlidhjet

logo-print

Arrestohet një zyrtar boshnjak për ndikim në rastin e Naser Kelmendit


Naser Kelmendi

Naser Kelmendi

Një zyrtar i Bosnjës dhe gruaja e tij, janë arrestuar nën dyshimet se kanë bërë përpjekje të ndikojnë në një rast të profilit të lartë, kundër bosit të drogës në Ballkan, Naser Kelmendi.

Bakir Dautbashiq dhe gruaja e tij, Bilsena Sahman, janë arrestuar në Sarajevë, ka bërë të ditur Zyra e Prokurorit.

Sipas njoftimit, Dautbashiq dyshohet për ndërhyrje në gjykimin e Kelmendit, shqiptar nga Kosova, i cili ka edhe shtetësi të Bosnjës.

Dautbashiq është sekretar i shtetit në Ministrinë e Sigurimit të Bosnjës.

Naser Kelmendi është arrestuar në Kosovë në vitin 2013, me urdhërarrest të Bosnjës.

Ai akuzohet për përfshirje në krim të organizuar dhe gjykimi ndaj tij ka nisur në janar të vitit të kaluar, në Gjykatën Themelore të Prishtinës.

XS
SM
MD
LG