Ndërlidhjet

Edhe Shtëpia e Bardhë reagon për vdekjen e David Bowiet


Ilustrim

Ilustrim

Shtëpia e Bardhë, përmes zëdhënësit Josh Earnest, ka reaguar pas vdekjes së këngëtarit britanik, David Bowie.

“Mendoj se mënyra se si do të ndjehet humbja e tij, është ilustruar me reagimet e gjera ndaj vdekjes së tij. Janë një numër njerëzish në gjithë globin, që kanë treguar se si janë frymëzuar nga jeta dhe puna e tij. Unë nuk kam folur me presidentin (Barack Obama) për atë nëse ka qenë ose jo adhurues i David Bowiet, por nuk mund të mohohet ndikimi i kontributit të tij në art, muzikë dhe film, jo vetëm këtu në Shtetet e Bashkuara, por në gjithë botën”, ka thënë Earnest.

Bowie ka vdekur të hënën në moshën 69 vjeçare, pas një beteje 18-muajshe me kancerin.

Javën e kaluar, ai ka lansuar albumin e fundit.

Kryeministri britanik, David Cameron, ka thënë se Bowie, në aspektin muzikor, krijues dhe artistik ka qenë gjeni.

Adhuruesit e Bowiet janë mbledhur në Londër, Berlin, Nju Jork dhe Llos Angjelles për të hedhur lule dhe për të kujtuar heroin e tyre muzikor.

Lexoni edhe këtë:

Bowie, “artist i jashtëzakonshëm” dhe “origjinal i vërtetë”

XS
SM
MD
LG