Ndërlidhjet

Japoni: Tërhiqen sanksionet kundër Iranit


Pamje nga centrali atomik japonez në Fukushima që ishte dëmtuar në vitin 2011nga tërmeti dhe cunami

Pamje nga centrali atomik japonez në Fukushima që ishte dëmtuar në vitin 2011nga tërmeti dhe cunami

Japonia i ka tërhequr sot sanksionet kundër Iranit, pas konfirmimit të Agjencisë Ndërkombëtare të Energjisë Bërthamore (ANEB) javën e kaluar, se Teherani i ka përmbushur përkushtimet e veta për kufizimin e programit atomik, në bazë të marrëveshjes me fuqitë botërore.

“Japonia do të dëshiroj t’i forcoj marrëdhëniet bashkëpunuese me Iranin mëtutje dhe të kontribuoj për paqen dhe stabilitetin në Lindjen e Mesme, nëpërmjet raporteve tona miqësore me Iranin”, tha zyrtari i lartë qeveritar i Japonisë, Yoshihide Suga, gjatë një konference për gazetarë në kryeqytetin Tokio, duke e shpallur tërheqjen e sanksioneve.

Në kuadër të sanksioneve të Japonisë kundër Iranit ishin të përfshira edhe pezullimet e investimeve të reja në sektorin e naftës dhe gazit në Iran.

Më parë edhe Shtetet e Bashkuara, Bashkimi Evropian dhe Kombet e Bashkuara, i kanë tërhequr sanksionet e ndërlidhura me programin atomik të Iranit, sipas marrëveshjes së arritur më 16 korrik të vitit të kalaur.

XS
SM
MD
LG