Ndërlidhjet

logo-print

26 të vdekur nga gripi i derrave në lindje të Ukrainës


Ilustrim

Ilustrim

Si rezultat i gripit të derrave të njohur si H1N1, në rajonet e kontrolluara nga separatistët rusë në lindje të Ukrainës, kanë vdekur 26 persona.

Agjencitë ruse të lajmeve i kanë cituar përfaqsues të paidentifikuar të separatistëve, të kenë thënë se të gjitha shkollat janë mbyllur deri më 30 janar, me qëllim që të parandalohet rritja e numrit të të infektuarve nga virusi.

Ministria e Shëndetësisë së Ukrainës ka konfirmuar më 19 janar se nga gripi i derrit në tërë territorin, kanë vdekur 51 persona.

Ministri ukrainas i Shëndetësisë, Alexander Kvitashvili, ka kërkuar nga ukrainasit që të mos krijojnë panikë, duke thënë se janari ëhstë muaji kur ky virus e arrin kulminacionin.

Zyrtarët kanë njoftuar se nga gripi i derrit, dhjetëra persona kanë vdekur edhe në republikat tjera ish-sovjetike.

Zyrtarët në Armeni thonë se që nga 1 janari kanë vdekur 18 persona derisa zyrtarët e shëndetësisë në Shën Petërsburg të Rusisë, kanë njoftuar më 19 janar, se pesë banorë kanë vdekur nga virusi H1N1.

XS
SM
MD
LG