Ndërlidhjet

Talibanët paraqesin kushtet e tyre për paqe


Afganistan

Afganistan

Talibanët në Afganistan kanë krijuar një listë të kërkesave që thonë se duhet të përmbushen përpara se t’iu bashkohen bisedimeve për paqe, që synojnë t’i japin fund luftës 15-vjeçare.

Kryengritësit islamikë kërkojnë lirimin e disa të burgosurve, të hiqen nga lista e zezë e Kombeve të Bashkuara, e cila u ka ngrirë asetet dhe u ka vënë ndalesa udhëtimi liderëve të tyre, si dhe të kenë një zyrë politike, e cila do të njihej formalisht.

“Këto janë në mesin e hapave preliminarë, të nevojshëm për paqe”, kanë thënë talibanët në një deklaratë të publikuar të dielën.

“Pa to, përparimi drejt paqes nuk është i realizueshëm”, kanë shtuar ata.

Forcat talibane kanë intensifikuar fushatën e tyre për të rrëzuar qeverinë në Kabul.

XS
SM
MD
LG