Parlamenti danez ka nisur debatin për një ligj kontrovers, në bazë të të cilit, azilkërkuesve do t’iu konfiskoheshin gjërat me vlerë, si mjet për të paguar për qëndrimin e tyre.
Deputetët pritet të miratojnë propozimin, i cili ka shkaktuar kritika të ashpra si brenda, ashtu edhe jashtë Danimarkës.
Autoritetet daneze insistojnë se kjo politikë i sjell migrantët në një nivel me danezët e papunë, të cilët duhet të shesin pasurinë për përfitime.
Deputetët po ashtu pritet të miratojnë planet për të vonuar bashkimin familjar.
Danimarka dhe Suedia fqinje, së voni, kanë forcuar kontrollin në kufijtë e tyre, në përpjekje për të zvogëluar numrin e migrantëve dhe refugjatëve që hyjnë në këto vende.
Mbi një milion njerëz, kryesisht të ikur nga lufta dhe mizoria në Lindjen e Mesme, kanë hyrë vitin e kaluar në Evropë.