Së paku 71 veta janë vrarë si pasojë e tre shpërthimeve pranë një vendi të shenjtë shiit, jashtë Damaskut.
Mbi 100 persona po ashtu janë plagosur.
Shpërthimi i një makine bombë dhe i dy kamikazëve ka ndodhur të dielën në qarkun Sajida Zeinab.
Atje ndodhet varri i njërës mbesë të Profetit Muhamed.
Përgjegjësinë për sulmet e kanë marrë militantët e Shtetit Islamik.
Ato kanë ndodhur në kohën kur delegatë nga Qeveria siriane dhe grupet opozitare janë mbledhur në Gjenevë, për bisedime për paqe, të ndërmjetësuara nga Kombet e Bashkuara.
Shefja e politikës së jashtme të Bashkimit Evropian, Federcia Mogherini, ka thënë se sulmet “qartazi, kanë pasur qëllim të shkatërrojnë përpjekjet për të nisur një proces politik”.
Në luftën e Sirisë, e cila ka nisur qysh në vitin 2011, kanë humbur jetën mbi 260,000 persona. Miliona të tjerë janë zhvendosur.
