Ndërlidhjet

SHBA: Tërheqja e trupave nga Afganistani dëmton përpjekjet për trajnimin e forcave afgane


Komandanti i NATO-s në Afganistan, John Campbell
Komandanti i NATO-s në Afganistan, John Campbell

Tërheqja e planifikuar e trupave amerikane nga Afganistani, sipas komandantit të NATO-s në vendin e shkatërruar nga lufta, do t’i dëmtojë përpjekjet për trajnimin e forcave afgane.

Gjenerali amerikan, John Campbell, i cili është në fund të mandatit të tij në Afganistan për shkak të moshës së pensionimit, ka thënë se plani për reduktimin e trupave nga 9 mijë e 800 në 5 mijë e 500, do ta “kufizonte” kapacitetin për mbështetjen e forcave lokale.

“Për të vazhduar së ndërtuari forcat afgane të sigurisë, ne duhet të bëjmë disa përshtatje me numra” ka thënë ai para Komutetit i shërbimeve ushtarake në Senat.

Kryetari i Komitetit, John McCain, tha se me redukrimin, nuk do të mbesin numra të mjaftueshëm ushtarësh për t’i trajnuar ushtarët afganë dhe për të kryer operacione kundër terrorizmit.

Campbell tha se e tëra do të varet nga ajo se sa shpejt do të përmirësohen trupat afgane. Nëse trupat afgane nuk trajnohen, sipas tij, ka gjasë që numri i trupave amerikane, të rritet.

Publikimi i informatave se mund të zvogëlohet prania ushtarake amerikane në Afganistan, sipas Campbell, mud t’ia lejoj armikut që “të na pret jashtë”.

Campbell pritet të zëvendësohet nga gjenerali John Nicholson.

XS
SM
MD
LG