Ndërlidhjet

logo-print

OKB: 20 mijë sirianë janë tubuar në kufi me Turqinë


Pamje e shkatërrimeve të mëdha nga sulmet ajrore të forcave qeveritare të Sirisë në rajonin Alepo më 3 shkurt të këtij viti

Pamje e shkatërrimeve të mëdha nga sulmet ajrore të forcave qeveritare të Sirisë në rajonin Alepo më 3 shkurt të këtij viti

Afro 20 mijë sirianë janë tubuar në kufirin me Turqinë, pasi janë larguar nga ofensiva e forcave të qeverisë së Sirisë afër qytetit Alepo.

Ishte raportuar për luftime të ashpra ndërmjet kryengritësve dhe forcave qeveritare siriane, të mbështetura nga sulmet ajrore të Rusisë, që praktikisht e kanë rrethuar qytetin Alepo, i cili është bazë e kryengritësve.

Observatori sirian për të drejtat e njeriut me seli në Londër tha se nga luftimet e djeshme në vendin Ratian afër Alepos, janë vrarë afro 120 vetë nga të dy palët.

Zyra e Kombeve të Bashkuara për çështje humanitare tha se vlerësohet se “afro 20 mijë njerëz janë tubuar në vendkalimin kufitar, Bab al-Salama, ndërsa 5 - 10 mijë njerëz janë zhvendosur në qytetin Aziz” në afërsi.

Konsiderohet se afro 300 mijë njerëz janë bllokuar në Alepo, pasi rruga kryesore e furnizimit është ndërprerë nga forcat qeveritare gjatë ofensivës, e cila ka shkaktuar ndërprerjen e bisedimeve për paqe në Siri, që patën filluar këtë javë në Gjenevë të Zvicrës.

XS
SM
MD
LG