Ndërlidhjet

logo-print

Marrëveshja për Sirinë, në shërbim të Rusisë, thotë McCain


Senatori amerikan, John McCain.

Senatori amerikan, John McCain.

Senatori amerikan, John McCain, ka kritikuar ashpër një marrëveshje ndërkombëtare për përfundimin e luftimeve në Siri, duke e cilësuar atë si “diplomaci në shërbim të agresionit ushtarak të Rusisë”.

McCain ka folur në ditën e fundit të Konferencës së Sigurisë në Mynih, ku Sekretari amerikan i Shtetit, John Kerry, dhe diplomatë të tjerë kanë arritur marrëveshjen më 12 shkurt.

“Do të doja të ndaja të njëjtat pikëpamje si disa miq të mi, të cilët e shohin këtë marrëveshje si arritje të madhe potenciale, por, për fat të keq, nuk mundem”, ka thënë McCain, kritik republikan i administratës së presidentit të SHBA-së, Barack Obama, dhe kryesues i Komitetit të Senatit për Shërbime të Armatosura.

Marrëveshja në fjalë bën thirrje për ndërprerjen e armiqësive në Siri brenda një jave.

Ajo përjashton sulmet ndaj caqeve të militantëve të Shtetit Islamik dhe Frontit al-Nusra, të cilat Rusia ka thënë se do të vazhdojë t’i godasë nga ajri.

Por, zyrtarët perëndimorë kanë thënë se sulmet ajrore ruse, deri më tash, kanë qëlluar edhe kundërshtarët e tjerë të qeverisë së presidentit sirian, Bashar al-Assad, të cilët mbështeten nga Perëndimi.

XS
SM
MD
LG