Ndërlidhjet

Polonisë i kërkohet ta respektojë demokracinë


Ilustrim
Ilustrim

Polonia duhet të zotohet se do ta respektojë demokracinë, të drejtat e njeriut dhe sundimin e ligjit, thuhet mes të tjerash në një letër të tre senatorëve amerikanë drejtuar kryeministrit polak.

Senatorët e kanë shkruar këtë letër duke iu referuar ligjeve të reja për mediat dhe për gjykatën kushtetuese.

Partia në pushtet në Poloni, Ligji dhe Drejtësia Konservatore dhe Euroskeptike, e ka mbushur gjykatën kushtetuese me të emëruarit e saj dhe e ka ndryshuar sistemin e votimit të gjykatës.

Pushteti e ka kaluar një ligj, sipas të cilit, qeverisë i lejohet të ketë kontrollë të plotë mbi emërimin e shefave të medieve.

Ky veprim ka nxitur shqetësime edhe vetë brenda BE-së.

Tre senatorët, Ben Cardin, John McCain dhe Richard J. Durbin, kanë shkruar në letrën e dërguar tek kryeministri Beata Szydlo, se janë të shqetësuar në lidhje me veprimet e ndërmarra nga Polonia.

Veprimet sipas tyre, kërcënojnë pavarësinë e mediave dhe pavarësinë e gjykatës më të lartë të vendit.

Letra e senatorëve është dërguar më 10 shkurt ndërsa disa ditë më vonë kryeministri Szydlo është përgjigjur, duke e fajësuar qeverinë e kaluar për gjendjen në gjykatën kushtetuese.

Ai ka thënë se ligji i ri për mediet, nuk e ka shkelur asnjë standard evropian.

XS
SM
MD
LG