Senatori amerikan, John McCain, ka thënë se do t’i ftoj 10 marinarët amerikanë që të dëshmojnë për arrestimin e tyre të shkurtër në Iran, nëse administrata e presidentit. Barack Obama, deri më 1 mars, nuk i publikon gjetjet e një hetimi lidhur me këtë incident.
“Është një opsion që unë nuk dëshiroj të ushtroj”, tha mbrëmë vonë republikani McCain, i cili e kryeson Komitetin e Shërbimeve të Armatosura të Senatit, derisa kththej për në Shtetet e Bashkuara nga konferenca ndërkombëtare e sigurisë në Munih.
Marinarët ishin arrestuar nga Garda Revolucionare e Iranit, pasi dy anije ptrulluese të tyre kishin qëndruar në ujërat iraniane, më 12 janar.
Më vonë, zyrtarët amerikanë për këtë incident i kanë fajësuar problemet me navigacion.
Amerikanët u liruan pas një dite, pas intervenimit të shpejtë të sekretarit amerikan të shetit, John Kerry, te ministri i jashtëm iranian, Javad Zarif, duke iu shmangur krizës diplomatike, vetëm disa ditë para implementimit të marrëveshjes atomike me Iranin dhe tërheqjes së sanksioneve ndërkombëtare kundër Teheranit.
