Në Kosovë kanë nisur manifestimet për shënimin e tetëvjetorit të Pavarësisë së Kosovës. Në sheshet kryesore në Prishtinë, në orët e paradites, është bërë parakalimi i Forcës së Sigurisë së Kosovës dhe Policisë së Kosovës, në paradën e përvitshme; aktivitet ky që shënohet në çdo përvjetor të Pavarësisë së Kosovës. Në këtë ceremoni morën pjesë përfaqësuesit më të lartë të institucioneve të Kosovës. Paradën e ndoqën nga afër, në sheshet e kryeqytetit, edhe qytetarët e vendit.
