Në një takim të thirrur në orët e vona të pasdites, kryetari i Kuvendit të Kosovës, Kadri Veseli, ka ftuar edhe një herë “opozitën për dialog të hapur brenda institucioneve të Republikës së Kosovës, për zgjidhjen e çdo problemi”.
“Çdo veprim si ai sot, që pengon funksionimin e Kuvendit, është sa i dëmshëm, aq dëshpërues dhe i papranueshëm për ne”, ka thënë mes tjerash zoti Veseli, duke shprehur vendosmërinë e Kuvendit që të vazhdojë punën e tij.
“Kuvendi nuk do të jetë vendi për rrëzimin e Qeverisë së Republikës së Kosovës”, ka shtuar ai.