Zgjedhësit republikanë në shtetin amerikan, Karolina Jugore, sot votojnë për kandidatin presidencial të kësaj partie. Raportohet se ky votim mund të jetë vendimtar për të parë se a mundet favoriti aktual, Donald Truimp, të bëhet kandidat i qendrës së djathtë i partisë.
Njëherësh, demokratët sot mbajnë votime partiake në shtetin Nevada, ndërsa pritet garë e ashpër e dy kandidatëve: Hillary Clinton dhe Bernie Sanders, raporton agjencia DPA.
Sipas hulumtimeve të opinionit, Donald Trump ishte favorit në garën zgjedhore në Karolinën Jugore, por hulumtimet e fundit të publikuara dje treguan një rënie, kështu që tash ai prinë para senatorit Ted Cruz, me vetëm 5%.
Në Nevada, zonja Clinton kishte udhëheqje të rëndësishme, të forcuar nga popullata e madhe hispanike në këtë shtet perëndimor, por është parë rënie e avantazhit të saj, pasi Sanders arriti fitore të rëndësishme në Nju Hempshër.
Sondazhet e fundit tregojnë se Clinton udhëheq me 48%, para Sandersit që ka 47%.
