Rezultatet preliminare të zgjedhjeve për Asamblenë e Ekspertëve në Iran, tregojnë se presidenti, Hassan Rohani, i vetëshpallur i moderuar, dhe aleati i tij pragmatik, ish-presidenti, Akbar Hashemi Rafsanjani, po kryesojnë në kryeqytetin Teheran, ku zgjidhen 16 anëtarë në Asamble.
Rafsangjani është i pari, ndërsa Rohani në vendin e dytë, sipas rezultateve të shapllur nga Ministria e brendshme, e cili i organizon zgjedhjet.
Kleriku i linjës së fortë, Ahmad Jannati, që e kryeson Këshillin Mbikëqyrës, i cili i ka diskualifikuar disa kandidatë nga gara zgjedhore, ishte i 10-ti.
Reformistët patën kërkuar që të votojnë për kandidatët e koalicionit proreformist dhe relativisht të moderuar, në mënyrë që të parandalohet rizgjedhja e zotit Jannati dhe e dy klerikëve të tjerë të krahut ultra konservator në Asamble.
Pas shpalljes së rezultateve të para, zoti Rafsanjani ka bërë thirrje për unitet dhe bashkëpunim në mesin e grupeve të ndryshme.
Zgjedhjet për Parlamentin e Iranit dhe Asamblenë e Ekspertëve u mbajtën dje.
Zyrtarë të Ministrisë së brendshme thanë se numërimi i fletëvotimeve në Teheran dhe në qytetet e tjera, nuk është përfundimtar.