Ndërlidhjet

Maqedoni: Policia ka hedhur gaz lotsjellës kundër migrantëve


Migrantët dje e kanë zënë hekurudhën ndërmjet Greqisë dhe Maqedonisë në shenjë proteste për bllokimin e kufirit

Migrantët dje e kanë zënë hekurudhën ndërmjet Greqisë dhe Maqedonisë në shenjë proteste për bllokimin e kufirit

Policia e Maqedonisë sot ka hedhur gaz lotsjellës dhe granata trullosëse për t’i shpërndarë migrantët, të cilët ishin përpjekur me dhunë ta kalojnë kufirin nga Greqia.

Migrantët, të zemëruar me pritjet e gjata në përpjekjet e tyre për të kaluar ilegalisht në Maqedoni, kanë depërtuar nëpër vendkalimin Idomeni të Greqisë.

Duke brohoritur “Hapni kufijtë”, ata, po ashtu, kanë hedhur gurë kundër policëve të Maqedonisë, e pastaj janë shpërndarë.

Policia tha se afro 500 vetë e kishin anashkaluar policinë greke sot herët në mëngjes dhe ishin afruan në kalimin që përdorët për kalimin e trenave në kufi.

Athina thotë se më se 22 mijë migrantë janë bllokuar në pjesë të ndryshme të Greqisë për shkak të kufizimeve të imponuara nga Maqedonia, Serbia dhe Austria, vende këto që janë përgjatë rrugës që migrantët e përdorin për të arritur në Gjermani dhe vendet e tjera të Bashkimit Evropian.

Më se 6,500 migrantë po presin në vendkalimin kufitar grek, Idomeni. Disa prej tyre ndodhen aty afro tetë ditë me sasi të kufizuara të ushqimit.

Autoritetet e Maqedonisë i kanë lejuar 300 migrantë sirianë që ta kalojnë kufirin sot para agimit.

XS
SM
MD
LG