Një gjykatë në Kazakistan e ka liruar gazetaren, Yulia Kozlova, e cila ishte akuzuar për posedim ilegal të drogës.
Gjykata në qytetin Alma-Atë sot vendosi që origjina e drogës, e gjetur në banesën e gazetares Kozlova në muajin dhjetor të vitit të kaluar, duhet të përcaktohet.
Aiman Omarova, avokate e gazetares, e ka mirëpritur këtë zhvillim duke thënë se ishte “vendim i rrallë”.
Gazetarja Kozlova ka thënë se është e pafajshme, duke theksuar se droga në banesën e saj është montuar dhe këtë rast e ka cilësuar si politikisht të motivuar.
