Ndërlidhjet

Varroset polici që vrau guvernatorin


Mijëra pakistanezë kanë dalë në rrugë për funeralin e një ish-oficeri të policisë, Mumtaz Qadri, i cili është ekzekutuar për vrasjen e një guvernatori më 2011. Siguria ka qenë e lartë dhe shumë institucione janë mbyllur, derisa është zhvilluar funerali në qytetin Ravalpindi, pranë Islamabadit. Qadri është dënuar për vrasjen e Salman Taseerit, guvernator i provincës Punxhab, i cili ka bërë thirrje për reforma të ligjeve të ashpra për blasfemi në Pakistan. Ekzekutimi i Qadrit më 29 shkurt ka shkaktuar protesta në disa qytete të Pakistanit, ku disa udhëheqës fetarë dhe politikë e kanë mbrojtur publikisht atë.

XS
SM
MD
LG