Astronauti amerikan, Scott Kelly, dhe ai rus, Mikhail Kornienko, sot herët në mëngjes janë kthyer në Tokë, pasi e kaluan gati një vit në Gjithësi.
Astronautët me sondë zbritën në stepat e ftohta të Kazakistanit, pasi rreth Tokës kanë qarkulluar 5,440 herë dhe i kanë kaluar 143 milionë mile për 340 ditë, sa i kanë kaluar në Kozmos.
Astronauti amerikan, Scott Kelly, është amerikani që më së gjati ka qëndruar në Stacionin Ndërkombëtar të Gjithësisë dhe ai ka zhvilluar teste për regaimin e njeriut për një kohë të gjatë në Gjithësi, në përgatitje për mision me njerëz në Mars, gjatë viteve të ardhshme.
Ai ka fotografuar pamje të jashtëzakonshme të Tokës dhe i ka postuar ato në rrjetet Instagram dhe Twitter nga Gjithësia. Në këto rrjete ai i ka afro një milion mbështetës.
Astronautët e Rusisë vazhdojnë ta mbajnë rekordin botëror, pasi për 438 ditë kanë qëndruar në Gjithësi.