Nga një shpërthim në një gjykatë në pjesën veriperëndimore të Pakistanit, ka të vrarë dhe të plagosur.
Programi Radio Mashal, që vepron në kuadër të Radios Evropa e Lirë, ka raportuar se eksplodimi ka ndodhur sot në gjykatën në qarkun Shabqadar, me ç’rast janë vrarë së paku tre vetë dhe plagosur 10 të tjerë.
Pas eksplodimit, zjarri e ka përfshirë ndërtesën, duke shkaktuar shqetësime se numri i viktimave mund të jetë më i madh.
Në vendin e shpërthimit ka ardhur policia dhe e ka bllokuar atë hapësirë.
Nuk raportohet për ndonjë detaj që ka mundur ta shkaktoj këtë eksplodim.
