Ndërlidhjet

SHBA përpiqet të formojë edhe një koalicion kundër IS-it


Pjesëtar i të ashtuquajturit Shtet Islamik në Siri.

Pjesëtar i të ashtuquajturit Shtet Islamik në Siri.

Zyrtarët amerikanë po bëjnë përpjekje të zgjedhin aleatë, për të zgjeruar luftën globale kundër grupit militant Shteti Islamik (IS), përtej Sirisë dhe Irakut.

Të nxitur nga rritja e IS-it në Libi, si dhe nga sulmet terroriste në Paris, nëntorin e kaluar, zyrtarët amerikanë shohin nevojën e një qasjeje më të gjerë dhe më gjithëpërfshirëse.

“Ata janë duke biseduar në lidhje me këtë”, i ka thënë një zyrtar perëndimor shërbimit qendror të Zërit të Amerikës, në kushte anonimiteti.

Këto diskutime janë bërë më urgjente pasi inteligjenca ka treguar për rritjen e numrit të luftëtarëve të IS-it dhe të rekrutëve që arrijnë në Libi nga Afrika Veriore.

Mësohet se zyrtarët ushtarakë amerikanë kanë identifikuar Britaninë, Francën, Italinë, Gjermaninë dhe Spanjën si partnerë kyçë në luftën kundër IS-it në Libi.

“Qeveria jonë është jashtëzakonisht e shqetësuar me rritjen e kërcënimit ekstremist në Libi”, ka thënë zyrtari perëndimor, qeveria e të cilit “është duke punuar nga afër” me SHBA-në.

Ai ka shtuar se pavarësisht dëshirës për një qasje më gjithëpërfshirëse, “është ende herët të thuhet se si do të jetë mbështetja”.

XS
SM
MD
LG