Personi më i kërkuar pas sulmeve në Paris në nëntor të vitit të kaluar, Salah Abdeslam, është arrestuar dhe plagosur gjatë të shtënave me policnë sot në Bruksel, kanë raportuar mediat e Belgjikës.
Pamjet televizive tregonin pjesëtarët e forcave të sigurisë me të veshura speciale, duke e ruajtur rrugën në Bruksel, ndërsa gazetarët në vendin e ngjarjes kanë rapoprtuar për tym të bardhë që dilte nga kulmi i një ndërtese.
Një zëdhënëse e policisë së Belgjikës i tha agjencisë Reuters se po zhvillohet një operacion, por nuk ka dhënë më tepër detaje.
Rrjeti televiziv amerikan, CNN, ka raportuar se Salah Abdeslam është zënë i gjallë gjatë të shtënave në Bruksel.
