Parlamenti i Ukrainës ka aprovuar sot dorëheqjen e Prokurorit të Përgjithshëm të vendit, Viktor Shokin.
Ai ishte parë nga përkrahësit ukrainas të Perëndimit si pengesë në luftimin e korrupsionit.
Shtetet e Bashkuara të Amerikës në vazhdimësi kanë bërë thirrje për reforma të thella në zyrën e Prokurorit të Përgjithshëm, për të cilën shpesh është thënë se ka luajtur një rol kryesor në mbrojtjen e interesave vetanake dhe ka lejuar që korrupsioni në vend të lulzojë.
Vendimi i aprovuar për dorëheqjen e tij kaloi me 289 vota, shumë më tepër sesa 226 sa ishin të nevojshme.